Azul Cobalto. Historia posible do Marqués de Sargadelos
En Azul Cobalto, AC non se limita a reconstruír de modo fidedigno a época e a biografía
do personaxe público -do que, por outra banda, pouco hai- senón que nos mostra tamén as
desilusións, os amores e a loita contra un medio hostil dun personaxe singular que nunca
se deu por vencido.
Antonio Raymundo Ybañez, marqués de Sargadelos, marcou un
fito na historia do noso país, foi un dos primeiros e máis
tenaces introdutores do enciclopedismo e dos avances tecnolóxicos.
O marqués puxo en pé unha fabrica modélica, a contracorrente
dos poderes políticos e relixiosos da España de principios
do século XIX. O seu heroísmo reside sobre todo no seu empeño
por modernizar unha sociedade tradicionalmente atrasada e
ancorada no século anterior. Esta novela permite facer un
percorrido histórico e ambiental pola Ilustración Española.