En Memoria do Soldado, esta nova e segunda incursión do autor no sempre vizoso eido
da novela simbólica baséase nas seguintes claves: o antibelicismo e o antimilitarismo
son tan evidentes que así se poden anunciar. Pero hai moitas máis significacións que
reclaman a lectura atenta desta historia na que un octoxenario evoca, desde a altura
dos seus anos, desde a súa profesión de entomólogo e desde a súa condición homosexual,
a guerra civil que durante un tempo dividiu ao seu país en dous bandos non tan
irreconciliables como podería parecer, o de Eol e máis o de Oldn.
A esa lectura atenta e minuciosa, propia dos amantes da literatura, encoméndase
esta novela.